ఫోన్‌లో ఆర్డర్ చేస్తే గంజాయి డెలివరీ.. ఇదేందయ్యా ఇదీ!

గంజాయి స్మగర్లు, విక్రేతలు రోజురోజుకూ కొత్త పద్ధతులు కనిపెడుతున్నారు. పోలీసులు ఎన్నిచర్యలు తీసుకుంటున్నా అక్రమ మార్గాల్లో గంజాయి సరఫరా చేస్తున్నారు. ఫోన్‌లో ఆర్డర్ చేస్తే గంజాయిని డెలివరీ చేస్తున్న ముగ్గురు నిందితులను అనంతపురం పోలీసులు అరెస్ట్ చేశారు. వారి వద్ద నుంచి సుమారుగా 8 కిలోల గంజాయిని స్వాధీనం చేసుకున్నారు. నిందితులను కోర్టులో హాజరుపరచిన అనంతరం రిమాండ్ కోసం జైలుకు తరలించారు.