గ్రామాల్లో వాలంటీర్లు.. అటవీ శాఖ నుంచి ప్రోత్సాహకాలు.. పవన్ కళ్యాణ్ నిర్ణయం..

ఏపీ డిప్యూటీ సీఎం పవన్ కళ్యాణ్ మరో కీలక నిర్ణయం తీసుకున్నారు. అడవి జంతువుల సంరక్షణ కోసం ఏపీ అటవీ శాఖ హనుమాన్ ప్రాజెక్టును చేపడుతోంది. ఈ ప్రాజెక్టులో భాగంగా గ్రామాల్లోనూ సర్ప మిత్ర వాలంటీర్లను నియమించుకోవాలని పవన్ కళ్యాణ్ అధికారులకు సూచించారు. గ్రామాల్లోకి ప్రవేశించే పాములను ప్రజలకు ఇబ్బందులు లేకుండా బంధించి. సురక్షితంగా అటవీ ప్రాంతంలో వదిలిపెట్టేందుకు ఈ సర్ప మిత్ర వాలంటీర్ల సేవలను ఉపయోగించుకోనున్నారు. ప్రతి పంచాయతీ పరిధిలో వాలంటీర్లను ఎంపిక చేయాలని.. వారికి అటవీ శాఖ నుంచి ప్రోత్సాహకాలు కూడా ఇవ్వాలని పవన్ కళ్యాణ్ ఆదేశించారు.