ఏపీలో వారందరికీ శుభవార్త.. ఆగస్ట్ 7న పక్కా, నెలకు రూ.2500 వరకూ లబ్ధి!

AP Free Power Scheme Handloom Weavers: ఏపీలోని చేనేతలకు తీపికబురు. చేనేత కుటుంబాల ఇళ్లకు ఉచిత విద్యుత్ ఇవ్వాలని ఏపీ ప్రభుత్వం నిర్ణయించిన సంగతి తెలిసిందే. చేనేతల ఇళ్లకు నెలకు 200 యూనిట్ల వరకూ, పవర్ లూమ్స్‌కు 500 యూనిట్ల వరకూ ఉచిత విద్యుత్ ఇవ్వాలని మార్చిలో జరిగిన మంత్రివర్గ సమావేశంలో ఏపీ ప్రభుత్వం నిర్ణయం తీసుకుంది. తాజాగా ఆగస్ట్ 7న నుంచి ఈ ఉచిత విద్యుత్ పథకానికి శ్రీకారం చుట్టనున్నట్లు సమాచారం. ఆగస్ట్ 7న జాతీయ చేనేత దినోత్సవాన్ని పురస్కరించుకుని ఈ పథకం ప్రారంభించే యోచనలో ఏపీ ప్రభుత్వం ఉన్నట్లు తెలిసింది.