Sankranti Special Buses: తెలంగాణ ఆర్టీసీ ఇలా.. ఏపీఎస్ఆర్టీసీ అలా.. సంక్రాంతికి జేబుకు చిల్లు తప్పదా?

సంక్రాంతి పండుగ రద్దీ నేపథ్యంలో ఏపీఎస్ఆర్టీసీ, టీజీఎస్ఆర్టీసీ ప్రత్యేక బస్సు సర్వీసులు ఏర్పాటు చేస్తున్నట్లు ప్రకటించాయి. ఏపీఎస్ఆర్టీసీ 8 వేల ప్రత్యేక బస్సులు నడపనుండగా.. తెలంగాణ ఆర్టీసీ 6 వేలకుపైగా ప్రత్యేక బస్సులు ఏర్పాటు చేస్తున్నట్లు ప్రకటించింది. అయితే ప్రత్యేక బస్సులలో సాధారణ ఛార్జీలే వసూలు చేస్తామని ఏపీఎస్ఆర్టీసీ ప్రకటించగా.. 50 శాతం అదనపు ఛార్జీలు ఉంటాయని టీజీఎస్ఆర్టీసీ ప్రకటించింది. అయితే పండుగకు ముందు రోజులలో హైదరాబాద్ నుంచి కేవలం 240 ప్రత్యేక బస్సులు ఏర్పాటు చేసిన ఏపీఎస్ఆర్టీసీ.. తిరుగు ప్రయాణానికి మాత్రం 1800 బస్సులు ఏర్పాటు చేసింది. టీజీఎస్ఆర్టీసీ అదనపు ఛార్జీల నేపథ్యంలో పండుగకు ముందు హైదరాబాద్ నుంచి ఏపీఎస్ఆర్టీసీ మరిన్ని ప్రత్యేక బస్సులు నడిపించాలని ప్రయాణికులు కోరుతున్నారు.