60 లీటర్ల చనుబాలు దానం చేసిన బ్యాడ్మింటన్ మాజీ ప్లేయర్ గుత్తా జ్వాల.. ఎంత పుణ్యం తల్లీ..!

భారత బ్యాడ్మింటన్ మాజీ క్రీడాకారిణి గుత్తా జ్వాల మాతృత్వాన్ని చాటుకుంటూ గొప్ప నిర్ణయం తీసుకున్నారు. తన బిడ్డ పుట్టిన మొదటి ఏడాదిలో ఏకంగా 60 లీటర్ల తల్లిపాలను హైదరాబాద్, చెన్నైలోని ప్రభుత్వ ఆసుపత్రులకు విరాళంగా ఇచ్చారు. ఈ విరాళం ఎంతోమంది నిరుపేద, నెలలు నిండకుండా పుట్టిన శిశువుల ప్రాణాలను కాపాడటంలో కీలక పాత్ర పోషిస్తోంది. తల్లిపాల ప్రాముఖ్యతను వివరిస్తూ ఆమె సోషల్ మీడియా వేదికగా పంచుకున్న వివరాలు ఇప్పుడు వైరల్ అవుతున్నాయి.