హైదరాబాద్‌లో గోల్ఫ్‌ సిటీ.. 200 ఎకరాల్లో ఏర్పాటు, ఈ ఏరియాలోనే..

హైదరాబాద్ నగర సిగలో మరో మణిహారం చేరబోతుంది. నగరంలో గోల్ఫ్ సిటీ ఏర్పాటు కానుంది. దాదాపు 200 ఎకరాల్లో నగర దక్షిణ భాగంలో గోల్ఫ్ సిటీ ఏర్పాటు చేయనున్నట్లు మంత్రి శ్రీధర్ బాబు వెల్లడించారు. యూఎస్ సంస్థ సహకారంతో ఈ గోల్ఫ్ సిటీ ఏర్పాటు చేయనున్నట్లు చెప్పారు. ఇది అందుబాటులోకి వస్తే వచ్చే పదేళ్లలో దాదాపు 10 వేల మందికి ఉపాధి అవకాశాలు కలుగుతున్నాయన్నారు. సౌత్ ఇండియాలోనే మెుదటి గోల్ఫ్ సిటీగా నిలవనుందని వెల్లడించారు.