రేవంత్‌ సర్కారు కీలక నిర్ణయం.. ఇక గ్రామ పంచాయతీలకు సొంత బ్యాంకు అకౌంట్లు

తెలంగాణలో గ్రామ పంచాయతీలకు ఆర్థిక స్వయంప్రతిపత్తి కల్పిస్తూ ప్రభుత్వం జీవో నంబర్‌ 43 జారీ చేసింది. ఇకపై పంచాయతీలు తమ ఆదాయాలు, కేంద్ర, రాష్ట్ర పథకాల నిధులను నేరుగా సొంత బ్యాంకు ఖాతాల్లో జమ చేసుకోవచ్చు. అక్టోబరు 9 నుంచి కొత్త విధానం అమల్లోకి వచ్చినట్లు ప్రభుత్వం ప్రకటించింది. దీనివల్ల స్థానిక అభివృద్ధి పనులు, అత్యవసర అవసరాలకు నిధుల వినియోగంలో వెసులుబాటు కలగనుంది.