షార్ట్ ఫిల్మ్ తీసేవారికి అద్భుత అవకాశం.. 4 నిమిషాల వీడియోతో లక్ష రూపాయలు!

షార్ట్ ఫిల్మ్స్ తీసేవారికి అద్భుతమైన అవకాశం. కేవలం నాలుగు నిమిషాల నిడివి ఉండే షార్ట్ ఫిల్మ్ తీసి లక్ష రూపాయలు గెలుచుకునే అవకాశం. ఈ అవకాశాన్ని ఆంధ్ర సారస్వత పరిషత్ కల్పిస్తోంది. తెలుగు భాషాభివృద్ధి ఇతివృత్తంగా ఇంటర్నేషనల్ షార్ట్ ఫిల్మ్ కాంపిటీషన్ నిర్వహిస్తోంది ఆంధ్ర సారస్వత పరిషత్. ఇందులో గెలిచిన వారికి నగదు బహుమతులు, అవార్డులు అందించనున్నారు. ఎంట్రీలను పంపించేందుకు ఆగస్ట్ 14వ తేదీ వరకూ సమయం ఉంది. ఒక్కొక్కరు రెండు ఎంట్రీలు పంపించేందుకు అవకాశం ఉంది.