విద్యార్థులకు 12 వస్తువులతో కిట్.. ఏమేం ఉంటాయంటే.. వచ్చే విద్యా సంవత్సరం నుంచే మొదలు..!

Andhra Pradesh government provides cosmetic kits to gurukul students: ఆంధ్రప్రదేశ్ ప్రభుత్వం మరో కీలకమైన నిర్ణయం తీసుకుంది. సాంఘిక సంక్షేమ గురుకుల పాఠశాలలు, కళాశాలల్లో చదివే విద్యార్థులకు కాస్మొటిక్ కిట్లు ఇవ్వాలని నిర్ణయించినట్లు తెలిసింది. గతంలో కాస్మొటిక్ ఛార్జీలు ఇచ్చేవారు. అయితే నగదు రూపంలో ఇచ్చే బదులుగా విద్యార్థులకు కాస్మొటిక్ కిట్లు పంపిణీ చేయాలని నిర్ణయం తీసుకున్నట్లు సమాచారం. మొత్తం 12 రకాల వస్తువులతో కాస్మొటిక్ కిట్లు ఇవ్వాలని ప్రభుత్వం నిర్ణయించినట్లు తెలిసింది. వచ్చే విద్యాసంవత్సరం నుంచి కాస్మొటిక్ కిట్లు పంపిణీ చేయనున్నట్లు సమాచారం.