విజయవాడ కనకదుర్గమ్మ హంస వాహనసేవ రద్దు.. కారణమిదే!

విజయవాడ కనకదుర్గమ్మ దసరా నవరాత్రి వేడుకలు ముగింపునకు చేరుకున్నాయి. బెజువాడ దుర్గమ్మ శరన్నవరాత్రి వేడుకలు రేపటితో ముగియనున్నాయి. ఈ నేపథ్యంలో అధికార యంత్రాంగం అన్ని ఏర్పాట్లు చేస్తోంది. అయితే ఉత్సవాల్లో ఆఖరి రోజు నిర్వహించే కనకదుర్గమ్మ హంస వాహనసేవ రద్దు అయ్యింది. కృష్ణానదిలో నీటి ప్రవాహం అధికంగా ఉండటంతో పాటుగా.. ఎగువ నుంచి వరదనీరు వస్తున్న నేపథ్యంలో హంసవాహన సేవను రద్దు చేశారు. ఈ విషయమై ఏపీ ప్రభుత్వం ప్రకటన విడుదల చేసింది.