రేవంత్ రెడ్డి కోసం 9 రోజులు, 350 కి.మీ.లు నడక.. జూబ్లీహిల్స్ నివాసంలో కలిసిన కర్నూలు అభిమాని

తెలంగాణ సీఎం రేవంత్ రెడ్డిపై తనకున్న అభిమానాన్ని చాటుకునేందుకు ఏపీకి చెందిన తాయన్న వినూత్న ప్రయత్నం చేశారు. ముఖ్యమంత్రిని కలవాలన్న కోరికతో ఆదోని నుంచి హైదరాబాద్‌కు పాదయాత్ర ప్రారంభించారు. సుమారు 350 కిలోమీటర్ల దూరాన్ని 9 రోజుల పాటు కాలినడకన ప్రయాణించి చేరుకున్నారు. ఆ తర్వాత జూబ్లీహిల్స్‌లోని సీఎం నివాసంలో రేవంత్ రెడ్డిని కలుసుకున్నారు. తనను కలవడానికి ఇంత దూరం నడిచి వచ్చిన అభిమానిని ముఖ్యమంత్రి శాలువాతో సత్కరించి అభినందించారు.