పవన్ గురించి ఎందుకు ప్రస్తావించరు? విదేశీ హస్తం ఉందని అనుమానం.. జనసేన నేత ఆవేదన

మహారాష్ట్ర ఎన్నికల్లో మహాయుతి కూటమి గ్రాండ్ విక్టరీ కొట్టింది. మరోసారి ప్రభుత్వాన్ని ఏర్పాటు చేయనుంది. అయితే మహారాష్ట్ర ఎన్నికల్లో మహాయుతి కూటమి విజయంలో ఏపీ డిప్యూటీ సీఎం పవన్ కళ్యాణ్ పాత్ర గురించి జాతీయ మీడియా ప్రస్తావించడం లేదంటూ జనసేన నేత బొలిశెట్టి సత్యనారాయణ విమర్శించారు. పవన్ కళ్యాణ్ ప్రచారం చేసిన చోట బీజేపీ కూటమి అభ్యర్థులు గెలిచారన్న ఆయన.. మహారాష్ట్రలో మహాయుతి ప్రభంజనానికి పవన్ కళ్యాణ్ కూడా ఓ కారణమన్నారు. అయితే పవన్ కళ్యాణ్ గురించి జాతీయ మీడియా ప్రస్తావించడం లేదన్న ఆయన.. ఇందులో విదేశీ హస్తం ఏమైనా ఉందా అంటూ అనుమానం వ్యక్తం చేశారు.