తెలంగాణ పేదలకు దీపావళి కానుక.. నేటి నుంచి కొత్త పింఛన్ల పంపిణీ

తెలంగాణ ప్రభుత్వం చేయూత పథకం కింద 4.50 లక్షల మందికి కొత్త పింఛన్లు మంజూరు చేసింది. కొడంగల్‌లో నేడు సీఎం రేవంత్‌రెడ్డి పంపిణీ కార్యక్రమాన్ని ప్రారంభించనున్నారు. సెర్ప్‌ పరిశీలనలో 5.50 లక్షల దరఖాస్తుల్లో 4.50 లక్షల మందిని అర్హులుగా గుర్తించారు. వీరిలో 3 లక్షల మంది వితంతువులు, ఒంటరి మహిళలు, లక్ష మంది దివ్యాంగులు, 50 వేల మంది నేత, గీత కార్మికులు ఉన్నారు. ఈ నెల నుంచే పింఛన్లు అందనున్నాయి.