తిరుమల శ్రీవారి భక్తులకు గమనిక.. క్యాలెండర్లు, డైరీలు వచ్చేశాయి.. ఎక్కడ దొరుకుతాయంటే!

Ttd Diaries Calendar 2025 Available: తిరుమల శ్రీవారి బ్రహ్మోత్సవాల్లో రంగనాయకుల మండపంలో టీటీడీ ముద్రించిన 2025వ సంవత్సరం డైరీలు, క్యాలెండర్లను ముఖ్యమంత్రి చంద్రబాబు ఆవిష్కరించారు. 12 పేజీల క్యాలెండర్లు 13.50 లక్షలు, పెద్ద డైరీలు 8.25 లక్షలు, చిన్నడైరీలు 1.50 లక్షలు, టేబుల్‌ టాప్‌ క్యాలెండర్లు 1.25 లక్షలు, శ్రీవారి పెద్ద క్యాలెండర్లు 3.5 లక్షలు తెలుగు పంచాంగం క్యాలెండర్లు 2.50 లక్షల కాపీలను టీటీడీ ముద్రించింది. 2025 టీటీడీ డైరీలు, క్యాలెండర్లు అక్టోబరు నేటి నుంచి తిరుమల, తిరుపతిలో అందుబాటులో ఉంటాయి. అక్టోబరు రెండో వారం నుంచి ఇతర ప్రాంతాల్లో భక్తులకు అందుబాటులో ఉంటాయి.