‘చేతులెత్తి అడుగుతున్నా.. ఒక్క అవకాశం ఇవ్వండి’.. తెలంగాణ యువతకు పవన్ కళ్యాణ్ రిక్వెస్ట్

తెలంగాణలో జనసేన పార్టీకి ఒక్క అవకాశం ఇవ్వాలని ఆ పార్టీ అధ్యక్షుడు పవన్ కళ్యాణ్ కోరారు. పట్టభద్రుల ఎమ్మెల్సీ ఎన్నికల్లో జనసేన అభ్యర్థిని గెలిపించాలని యువత, పట్టభద్రులకు విజ్ఞప్తి చేశారు. ఈ క్రమంలోనే ‘జనసేన గ్రాడ్యుయేట్ ఎక్స్‌ప్రెస్’ ప్రచార రథాన్ని ప్రారంభించారు. ఈ వాహనం 120 రోజుల పాటు ప్రజల్లో తిరుగుతూ పట్టభద్రుల సమస్యలు, అభిప్రాయాలను తెలుసుకునే వేదికగా పనిచేయాలని పవన్ కళ్యాన్ సూచించారు. తెలంగాణ రాష్ట్ర సాధనలో యువత త్యాగాలను గుర్తుచేసిన జనసేనాని.. రాష్ట్రంలో ఇంకా పరిష్కరించాల్సిన సమస్యలు ఉన్నాయని అన్నారు.