కదిరి: పళ్లు తోముతుండగా బాలుడి దవడలో చొచ్చుకుపోయిన బ్రష్.. ఏమైందంటే

Kadiri Toothbrush Stuck In Boys Jaw: శ్రీ సత్యసాయి జిల్లాలో కదిరి మున్సిపాలిటీ పరిధిలోని సైదాపురంలో పళ్లు తోముతున్న బాలుడు దవడలో టూత్ బ్రష్ గుచ్చుకుంది. బాలుడు బ్రష్ చేస్తుండగా.. ఒక్కసారిగా కింద పడడంతో దవడలోకి బ్రష్ చొచ్చుకుపోయింది. బాలుడు నొప్పితో విలవిలలాడిపోయాడు.. వెంటనే బాలుడిని తల్లిదండ్రులు స్థానిక ప్రభుత్వ ఆస్పత్రికి తరలించారు. డాక్టర్లు బాలుడికి ఆపరేషన్ చేసి బ్రష్‌ను తొలగించారు. ప్రస్తుతం బాలుడి ఆరోగ్యం నిలకడగా ఉంది.