ఎల్‌నినో ఎఫెక్ట్.. సాగు చేయకున్నా పెట్టుబడి సాయం ఇస్తారా..? రైతు భరోసాపై కీలక నిర్ణయం..!

ఎల్‌నినో ప్రభావంతో తెలంగాణలో యాసంగి సాగు విస్తీర్ణం 25 లక్షల ఎకరాలకు కూడా పరిమితమయ్యే పరిస్థితి నెలకొంది. ఈ నేపథ్యంలో పంటలు సాగు చేసినా, చేయకపోయినా రైతులందరికీ రైతు భరోసా అందించాలని ప్రభుత్వం యోచిస్తున్నట్లు సమాచారం. అవసరమైన నిధులు సిద్ధం చేసుకోవాలని సీఎం రేవంత్‌ రెడ్డి ఆర్థిక శాఖను ఆదేశించినట్లు తెలుస్తోంది. దీనిపై అధికారిక నిర్ణయం వెలువడాల్సి ఉంది.