ఆరో తరగతిలోనే ఆగిపోయిన ‘అమ్మ’ ప్రయాణం.. కొడుకుతో కలిసి పది పరీక్షలు రాసి పాసైంది

‘పట్టుదలతో చేస్తే సమరం.. తప్పకుండ నీదే విజయం.. కష్టపడితే రాదా ఫలితం పదరా సోదరా నీ ధైర్యం’ అన్నారు. అవును పట్టుదలతో ప్రయత్నిస్తే అసాధ్యం సుసాధ్యమవుతుందని నిరూపించారు ఓ మహిళ. రెండు దశాబ్దాల కిందట ఆరో తరగతితోనే తన చదువు ఆగిపోతే.. ఆ తర్వాత పెళ్లి, పిల్లలు ఇలా కుటుంబానికి పరిమితమయ్యారు. కానీ, ఇన్నాళ్లకు మళ్లీ చదువుకోవాలనే ఆశ ఆమెకు కలిగింది. తన కొడుకు పదో తరగతికి రావడంతో అతడితో కలిసి పరీక్షలు రాసి.. విజయం సాధించారు.