Telangana Weather Today: తెలంగాణకు రెయిన్ అలర్ట్.. నేడు పలు జిల్లాల్లో భారీ వర్షాలు

తెలంగాణలో నేటి నుంచి ఈనెల 24 వరకు ఉత్తర, దక్షిణ జిల్లాల్లోని చాలా ప్రాంతాల్లో భారీ వర్షాలు కురిసే అవకాశం ఉందని హైదరాబాద్ వాతావరణ కేంద్రం హెచ్చరించింది. ఈ కాలంలో సాధారణం కంటే అధిక వర్షపాతం నమోదయ్యే ఛాన్సుందని తెలిపింది. 25 నుంచి అక్టోబరు 1 వరకు తేలికపాటి నుంచి ఓ మోస్తరు వర్షాలు కురిసి సాధారణ వర్షపాతం నమోదయ్యే అవకాశముందన్నారు. కాగా, శుక్రవారం పలు జిల్లాల్లో భారీ వర్షాలు కురిశాయి. హన్వాడలో అత్యధికంగా 7.4 సెం.మీ. వర్షపాతం నమోదైంది. ఇదిలా ఉండగా.. రాష్ట్రంలో ఇప్పటికీ పలు జిల్లాల్లో వర్షపాతం లోటు కొనసాగుతోంది.