Hyderabad: భారీ వర్షం.. హైదరాబాద్‌కు రెడ్ అలర్ట్.. నగరవాసులూ జాగ్రత్త

Hyderabad: భారీ వర్షానికి హైదరాబాద్ తడిసి ముద్దవుతోంది. మరికొన్ని గంటల్లో భారీ వానలు కురిసే అవకాశాలు ఉన్నాయని వాతావరణ శాఖ రెడ్ అలర్ట్ ప్రకటించింది. నగరంలో కుండపోత వానలు పడే అవకాశం ఉందని హెచ్చరించింది. నగరవ్యాప్తంగా వివిధ ప్రాంతాల్లో భారీగా వర్షాలు కురవడంతో లోతట్టు ప్రాంతాలు వరద ముంపులో చిక్కుకుపోయాయి. డ్రైనేజీలు పొంగి పొర్లుతుండటంతో రహదారులు మొత్తం మురుగునీటితో నిండిపోయాయి. దీంతో హైదరాబాద్ నగరంలో ట్రాఫిక్ భారీగా స్తంభించడంతో వాహనదారులు ఇబ్బంది పడుతున్నారు.