HYD: చీర విప్పేసి నెక్కర్ తొడిగి.. కాళ్ల మధ్య కర్రలు పెట్టి.. దళిత మహిళపై పోలీసుల కర్కషత్వం..!

Third Degree on Dalit Woman: హైదరాబాద్‌లో అమానవీయ ఘటన ఆలస్యంగా వెలుగులోకి వచ్చింది. తమిళ్ హీరో సూర్య నటించిన జై భీమ్ సినిమా తరహా ఘటన వెలుగులోకి రావటం సర్వత్రా చర్చనీయాంశంగా మారింది. బంగారం చోరీ కేసులో అనుమానితులను అదుపులోకి తీసుకున్న పోలీసులు.. తల్లీకొడుకులపై కర్కషంగా థర్డ్ డిగ్రీ ప్రయోగించారు. చీర విప్పేసి నెక్కర్ తొడిగి.. కాళ్ల మధ్యలో కర్రలు పెట్టి.. పోలీసులు తీవ్రంగా కొట్టినట్టు బాధితురాలు చెప్తోంది. కన్న కొడుకు ముందే తనపై థర్డ్ డిగ్రీ ప్రయోగించినట్టు తెలిపింది.