హాంకాంగ్ టు గచ్చిబౌలి.. ఐటీ ఉద్యోగులు, నిరుద్యోగులే టార్గెట్, సరికొత్త దందా

తెలంగాణలో క్యూనెట్ మల్టీలెవల్ మార్కెటింగ్ సంస్థ రూపుమార్చుకుని ఇగ్నైట్ పేరుతో కొత్త గొలుసుకట్టు మోసాలకు తెరలేపింది. నిజామాబాద్‌కు చెందిన ఒక నిరుద్యోగ యువకుడు తన స్నేహితుడి నమ్మి రూ.5 లక్షలు పోగొట్టుకుని హైదరాబాద్ సీపీ వీసీ సజ్జనార్‌ను ఆశ్రయించడంతో ఈ కుంభకోణం వెలుగుచూసింది. రెండు రోజుల్లోనే ఏపీ, తెలంగాణ, పుణె ప్రాంతాల నుండి 30 మంది బాధితులు పోలీసులను ఆశ్రయించారు. హాంకాంగ్ కేంద్రంగా షెల్ కంపెనీల ద్వారా సాగుతున్న ఈ దందాలో ఐటీ ఉద్యోగులు, నిరుద్యోగులే లక్ష్యంగా రూ.5 లక్షల నుండి రూ.20 లక్షల వరకు వసూలు చేస్తున్నట్లు పోలీసులు గుర్తించి, ఆరుగురు నిందితులను అరెస్ట్ చేశారు.