రేవంత్ సర్కార్ కీలక నిర్ణయం.. కార్మిక, ఉపాధి శాఖ పేరు మార్పు, కొత్త పేరు ఇదే..

తెలంగాణ ప్రభుత్వం కార్మిక, ఉపాధి, శిక్షణ శాఖ పేరును నైపుణ్య మానవ మూలధనం, జ్ఞాన శిక్షణ కార్యక్రమాల శాఖ (SHAKTI)గా మారుస్తూ జీవో 97 జారీ చేసింది. ఈ నూతన 'శక్తి' శాఖ పరిధిలోకి యంగ్ ఇండియా స్కిల్స్ యూనివర్సిటీతో పాటు రాష్ట్రంలోని అన్ని ప్రభుత్వ ఐటీఐలు, అడ్వాన్స్‌డ్ టెక్నాలజీ సెంటర్లు, పాలిటెక్నిక్ కళాశాలలను తీసుకువచ్చారు. పరిపాలనా సౌలభ్యం, ఉపాధి నైపుణ్యాల పెంపుదల కోసమే ఈ మార్పులు చేసినట్లు తెలిపిన ప్రభుత్వం.. ప్రస్తుత 2026-27 విద్యా సంవత్సర అడ్మిషన్లకు ఎలాంటి అభ్యంతరం ఉండదని స్పష్టం చేసింది.