నాలుగేళ్ల నిరీక్షణకు తెర.. ఇక జిల్లాలోనే ఐటీ కొలువులు.. హైదరాబాద్‌కు వెళ్లాల్సిన పనిలేదు..!

ఆదిలాబాద్‌ జిల్లా కేంద్రంలో రూ.54 కోట్లతో నిర్మించిన ఐటీ టవర్‌ ప్రారంభోత్సవానికి సిద్ధమైంది. నాలుగేళ్ల నిర్మాణ ప్రస్థానం తర్వాత బుధవారం మధ్యాహ్నం 12.30 గంటలకు మంత్రి శ్రీధర్‌బాబు భవనాన్ని ప్రారంభించనున్నారు. 75 వేల చదరపు అడుగుల విస్తీర్ణంలో నాలుగు అంతస్తులతో నిర్మించిన ఈ టవర్‌లో ఐటీ సంస్థలకు అవసరమైన వసతులు కల్పించారు. మరిన్ని కంపెనీలు ఇక్కడ కార్యకలాపాలు ప్రారంభిస్తే ఉద్యోగాల కోసం ఇతర నగరాలకు వెళ్లే స్థానిక యువతకు జిల్లాలోనే ఉపాధి అవకాశాలు లభించే అవకాశం ఉంది.