రీజినల్‌ రింగ్‌ రైలు సర్వే పూర్తి.. ఉత్తర భాగం 174.50 కి.మీ.. 7657 ఎకరాల భూసేకరణ

హైదరాబాద్‌ రీజినల్‌ రింగ్‌ రైలు ప్రాజెక్టులో భాగంగా ఉత్తర భాగానికి లైడార్ సర్వే పూర్తి కావడంతో.. ఇక డీపీఆర్‌ తయారీపై దక్షిణ మధ్య రైల్వే దృష్టి పెట్టింది. ఈ ప్రాజెక్టులో మొదట నిర్మించే.. ఉత్తర భాగం 174.50 కిలోమీటర్లు రానుంది. ఈ సర్వే ప్రకారం.. ఉత్తర భాగానికి భారీగా భూసేకరణ చేపట్టాల్సి ఉందని తెలుస్తోంది. ఈ భూసేకరణకు దాదాపు రూ.7 వేల కోట్లు ఖర్చు కానుండగా.. అది తెలంగాణ సర్కార్ భరించనుంది. తొలిదశలో ఉత్తర భాగం నిర్మించనుండగా.. ఆ తర్వాత రెండో భాగంలో దక్షిణ భాగాన్ని నిర్మించనున్నారు.