మైలార్‌దేవ్‌పల్లిలో భారీ అగ్నిప్రమాదం.. భారీగా ఆస్తి నష్టం

హైదరాబాద్‌ మైలార్‌దేవ్‌పల్లి పారిశ్రామికవాడలో ఆదివారం సాయంత్రం భారీ అగ్నిప్రమాదం జరిగింది. ప్లాస్టిక్‌ గోదాములో చెలరేగిన మంటలు పక్కనే ఉన్న ప్లైవుడ్‌ గోదాముకు వ్యాపించాయి. మూడు ఫైర్‌ ఇంజన్లతో అగ్నిమాపక సిబ్బంది మంటలను అదుపు చేసేందుకు ప్రయత్నించగా.. పోలీసులు గోదాముల్లో ఉన్నవారిని సురక్షితంగా బయటకు తీసుకొచ్చారు. భారీగా ఆస్తి నష్టం జరిగినట్లు తెలుస్తోంది. ప్రమాదానికి కారణాలు తెలియాల్సి ఉంది.