మాజీ మంత్రి రోజా కుమార్తెకు అరుదైన గౌరవం.. గ్లోబల్ అవార్డు దక్కించుకున్న అన్షు

RK Roja Daughter Anshu Malika Wins Global Entrepreneurs Award: వైసీపీ నేత, మాజీ మంత్రి ఆర్‌కే రోజా కుమార్తె అన్షు మాలిక అరుదైన అవార్డు దక్కించుకున్నారు. గ్లోబ‌ల్ ఎంటర్‌ప్రెన్యూర్స్ అవార్డును అన్షు మాలిక గెలుచుకున్నారు. నైజీరియాలోని లాగోస్‌లో జరిగిన గ్లోబల్ ఎంటర్‍‌ప్రెన్యూర్‌షిప్ ఫెస్టివల్‌లో శోషల్ ఇంపాక్ట్ విభాగం కింద అన్షు మాలికకు అవార్డు దక్కింది. దీంతో ఆర్‌కే రోజా ఆనందం వ్యక్తం చేశారు. అన్షు మాలిక‌కు గ్లోబ‌ల్ ఎంటర్‌ప్రెన్యూర్ అవార్డు రావడంతో ఎంతో ఆనంందంగా ఉందంటూ ట్వీట్ చేశారు. ఆమె కృషి, పట్టుదల ఫలించాయని రోజా పేర్కొన్నారు.