మళ్లీ తప్పించుకున్న 'గంజాయి క్వీన్ నీతూబాయి'.. రోజూ రూ.10 లక్షల గంజాయి విక్రయాలు

గంజాయి క్వీన్, లేడీ డాన్ నీతూబాయి మరోసారి పోలీసులకు చిక్కకుండా తప్పించుకుపోయింది. గతంలో అరెస్ట్ చేసి పీడీ యాక్ట్ పెట్టి జైలుకు పంపించినా.. మళ్లీ బయటికి వచ్చి గంజాయి దందా చేస్తూనే ఉన్నట్లు పోలీసులు తెలిపారు. ఈ క్రమంలోనే ఇప్పటికే పలుమార్లు పోలీసులకు చిక్కినట్లే చిక్కి తప్పించుకుపోగా.. తాజాగా మరోసారి తృటిలో చేజారినట్లు పోలీసులు పేర్కొన్నారు. ఈ క్రమంలోనే ఈగల్ ఫోర్స్ చేపట్టిన భారీ ఆపరేషన్‌లో 50 మంది ఐటీ ఉద్యోగులు పట్టుబడ్డారు. రోజూ రూ. 5 నుంచి రూ.10 లక్షల గంజాయి అమ్మకాలు సాగుతున్న విచారణలో తేలింది.