భార్య ఆఖరి కోరిక తీర్చడం కోసం ఓ భర్త ప్రయత్నం.. రోజుకు 17 గంటలు కష్టపడి, అనుకున్నది సాధించాడు..

తనను ఉపాధ్యాయుడిగా చూడాలన్న భార్య చివరి కోరికను నెరవేర్చాడో భర్త. ఇద్దరు పిల్లల ఆలనా పాలనా చూసుకుంటూనే పట్టుదలతో చదివి అనుకున్న లక్ష్యం సాధించాడు. ఆలి కోరిక నెరవేర్చాడు. ఎన్టీఆర్ జిల్లా రెడ్డిగూడెం మండలం రెడ్డికుంట గ్రామానికి చెందిన రామకృష్ణ భార్య వెంకటరమణ ఏడాది కిందట డెంగీతో బాధపడుతూ కన్నుమూశారు. అయితే చనిపోయేముందు ఎలాగైనా టీచర్ ఉద్యోగం తెచ్చుకోండి అంటూ.. రామకృష్ణను కోరింది అతని భార్య. భార్య కోసం అహర్నిశలు శ్రమించిన రామకృష్ణ.. పట్టుదలతో చదివి డీఎస్సీలో 70.02 మార్కులు సాధించారు. బయాలజీ స్కూల్ అసిస్టెంట్ ఉద్యోగం సాధించారు. అయితే తన భార్య గనుక బతికి ఉంటే ఇప్పుడు ఎంతో సంతోషించేదని రామకృష్ణ కన్నీరు పెట్టుకుంటున్నారు.