భర్తకు దూరంగా మహిళ.. టీవీ ప్రోగ్రామ్‌లో మాట్లాడిస్తామని నమ్మించి ఆమెపై అత్యాచారం

వరకట్న వేధింపుల కేసులో న్యాయం కోసం ఒక టీవీ కార్యక్రమంలో పాల్గొనేందుకు సికింద్రాబాద్ వచ్చిన రాజన్న సిరిసిల్ల జిల్లాకు చెందిన మహిళపై ఇద్దరు వ్యక్తులు అత్యాచారానికి పాల్పడ్డారు. ఛానెల్ నిర్వాహకులు తెలుసంటూ రాణిగంజ్ హైదర్‌ కాంప్లెక్స్‌కు బైక్‌పై తీసుకెళ్లి ఈ ఘోరానికి ఒడిగట్టారు. బాధితురాలి కేకలతో నిందితులు పారిపోగా.. ఆమె మహంకాళి పోలీసులకు ఫిర్యాదు చేసింది. కేసు నమోదు చేసుకున్న పోలీసులు నిందితులను అదుపులోకి తీసుకుని విచారిస్తున్నారు.