బండి సంజయ్ తల్లికి అనారోగ్యం.. ఆర్ఎస్ ప్రవీణ్ కుమార్ సూచనలు..

కేంద్ర మంత్రి బండి సంజయ్ తల్లి శకుంతలమ్మ అనారోగ్యానికి గురైన సంగతి తెలిసిందే. గుండెపోటు రావటంతో ఆమెకు యాంజియోప్లాస్టీ నిర్వహించిన వైద్యులు స్టంట్ వేశారు. ప్రస్తుతం ఆవిడ ఐసీయూలో చికిత్స పొందుతున్నారు. ప్రస్తుతం ఆమె ఆరోగ్యం స్థిరంగా ఉందని వైద్యులు వెల్లడించారు. ఈ నేపథ్యంలో బీఆర్ఎస్ నేత ఆర్ఎస్ ప్రవీణ్ కుమార్.. బండి సంజయ్‌కు కీలక సూచనలు చేశారు. బయట జరుగుతున్న పరిణామాలు ఆమెకు తెలియనివ్వొద్దని.. సెల్ ఫోన్లకు దూరంగా ఉండాలని సూచించారు. ఆమె త్వరగా కోలుకోవాలని ఆకాంక్షించారు.