తెలంగాణలో కొత్త రైల్వే స్టేషన్.. ఆ ప్రముఖ ఫుణ్యక్షేత్రం వద్ద ఇక ట్రైన్లు దిగొచ్చు

కొమురవెల్లి మల్లన్న పుణ్యక్షేత్రానికి నూతనంగా నిర్మించిన రైల్వే స్టేషన్‌ను ఈ నెల 26న కేంద్రమంత్రి కిషన్ రెడ్డి ప్రారంభించనున్నారు. నాటి నుంచే సికింద్రాబాద్-సిద్దిపేట మధ్య రానుపోను రెండేసి రైళ్లు ఇక్కడ ఆగనున్నాయి. ఈ సౌకర్యం హైదరాబాద్, సిద్దిపేట, జనగామ జిల్లాల భక్తులకు ఎంతో మేలు చేయనుంది. ఇప్పటివరకు కేవలం బస్సులు, సొంత వాహనాల్లో రోడ్డు మార్గాలపైనే ఆధారపడుతూ ఇబ్బందులు పడ్డ భక్తులకు.. ఇకపై తక్కువ ఖర్చుతో సురక్షితమైన రైలు ప్రయాణం అందుబాటులోకి రానుంది.