జగిత్యాల: ఆస్తి ఇవ్వడం లేదని.. అత్తింట్లో కోడలి మృతదేహాన్ని పూడ్చిపెట్టే యత్నం, చివరకు..

జగిత్యాలలో ఆస్తి వివాదం ముదిరి మృతదేహాన్ని ఇంట్లోనే పూడ్చే ప్రయత్నం చేసే వరకు వెళ్లింది. మృతురాలు మాధురి అత్త ఆస్తిని మనవడికి ఇచ్చేందుకు నిరాకరించడంతో ఆమె బంధువులు మృతదేహంతో ఇంటికి వచ్చి నట్టింట్లో గుంత తవ్వారు. ఈ ఆందోళనతో ఉద్రిక్తత ఏర్పడగా.. పోలీసులు రంగంలోకి దిగి ఇరు వర్గాలతో చర్చలు జరిపారు. చివరకు అత్త ఆస్తిని మనవడి పేరిట రాసిచ్చేందుకు ఒప్పుకోవడంతో వివాదం ముగిసింది. ఈ ఘటన స్థానికంగా చర్చనీయాంశంగా మారింది.