కర్ణాటక పరిశ్రమల కాలుష్యం.. తెలంగాణ గ్రామాలు ఉక్కిరిబిక్కిరి, రాత్రివేళ విషవాయువుల సెగ

కర్ణాటకలోని యాద్గిర్‌ జిల్లా సైదాపూర్‌, కడేచూరు పారిశ్రామికవాడల నుంచి వెలువడుతున్న కాలుష్యంతో తెలంగాణ సరిహద్దు గ్రామాల ప్రజలు ఇబ్బందులు ఎదుర్కొంటున్నారు. రాత్రివేళల్లో రసాయన దుర్వాసనతో శ్వాసకోశ సమస్యలు వస్తున్నాయని బాధితులు చెబుతున్నారు. పరిశ్రమల వ్యర్థ జలాలను వాగులోకి వదులుతున్నారన్న ఆరోపణలూ ఉన్నాయి. ఈ సమస్యపై మౌఖిక ఫిర్యాదులు అందాయని, ప్రభుత్వ దృష్టికి తీసుకెళ్తామని అధికారులు తెలిపారు.