ఏపీలో ఈ రోడ్లకు రూ.వెయ్యి కోట్లు.. ఆ జిల్లాలకు మహర్దశ, కీలక ఆదేశాలు

Andhra Pradesh Roads Review: రాష్ట్రంలో రహదారుల అభివృద్ధికి ఆంధ్రప్రదేశ్ ప్రభుత్వం వేగంగా చర్యలు చేపట్టింది. ముఖ్యమంత్రి చంద్రబాబు నాయుడు రూ.1,000 కోట్లతో 2 వేల కిలోమీటర్ల రోడ్లను అభివృద్ధి చేయాలని ఆదేశించారు. గుంతలు లేని రోడ్ల కోసం రూ.500 కోట్లు కేటాయించడంతో పాటు, రహదారుల మరమ్మతులు, నిర్వహణపై నివేదిక కోరారు. జాతీయ రహదారుల స్థాయిలో రాష్ట్ర రోడ్లను అభివృద్ధి చేయాలని, కొత్త సాంకేతికతను ఉపయోగించాలని సూచించారు. 12,653 కి.మీ రాష్ట్ర రహదారులను అభివృద్ధి చేయడానికి ప్రణాళికలు సిద్ధం చేస్తున్నారు.