ఏపీపై వాయుగుండం తీవ్ర ప్రభావం.. ఈ జిల్లాల్లో అతి భారీ వర్షాలు, ప్రజలకు అలర్ట్

Ap Weather Today: ఏపీకి మరో ముప్పు ముంచుకొస్తోంది. ఉత్తర, మధ్య బంగాళాఖాతంలో ఉన్న అల్పపీడనం తీవ్ర అల్పపీడనంగా మారింది. ఈ ఫ్రభావంతో ఉత్తరాంధ్రలో శనివారం నుంచి బలమైన ఈదురుగాలులతో ఎడతెరిపి లేకుండా వర్షం కురుస్తోంది. ఆదివారం రాత్రి నుంచి సోమవారం వరకు ఉత్తరాంధ్ర జిల్లాల్లో భారీ నుంచి అతి భారీ, కొన్నిచోట్ల కుంభవృష్టిగా వర్షాలు కురుస్తాయని అంచనా వేస్తున్నారు. ఉత్తరాంధ్రలో మత్స్యకారులు సముద్రంలో చేపల వేటకు వెళ్లవద్దని హెచ్చరించారు. సముద్రం అల్లకల్లోలంగా మారడంతో.. కోస్తాలో తీరం వెంబడి గంటకు 50 నుంచి 60 కి.మీ బలమైన గాలులు వీస్తున్నాయి.