ఎన్టీఆర్ విగ్రహం దహనం కేసు.. ఎమ్మెల్సీ అభ్యర్థి పాలకూరి అశోక్‌ గౌడ్‌ అరెస్ట్

నల్లగొండ పట్టణంలో తెలుగుదేశం పార్టీ వ్యవస్థాపకుడు, మాజీ ముఖ్యమంత్రి ఎన్టీఆర్ విగ్రహాన్ని దహనం చేసిన కేసులో ఇద్దరు నిందితులను పోలీసులు అరెస్ట్ చేశారు. నిందితుల్లో ప్రధాన సూత్రధారి, వరంగల్-ఖమ్మం-నల్లగొండ గ్రాడ్యుయేట్ ఎమ్మెల్సీ ఉపఎన్నికల స్వతంత్ర అభ్యర్థి పాలకూరి అశోక్ కుమార్ గౌడ్‌తో పాటు అతని అనుచరుడు ఎలికంటి ప్రణీత్‌ను అరెస్ట్ చేసి వారిపై పీడీ యాక్ట్ కింద కేసు నమోదు చేశారు. సమాజంలో విద్వేషాలు రెచ్చగొట్టేందుకే వీరు ఈ దుశ్చర్యకు పాల్పడినట్లు ఎస్పీ శరత్ చంద్రపవార్ వెల్లడించారు.