ఆలయంలోకి తుపాకీతో పాటు ఎమ్మెల్యే గన్ మెన్.. టీటీడీ వివరణ..

తిరుపతి జిల్లాలోని నాగలాపురం వేద నారాయణస్వామి ఆలయంలోకి ఎమ్మెల్యే కోనేటి ఆదిమూలం గన్ మెన్ తుపాకీతో ప్రవేశించారనే వార్తలపై టీటీడీ స్పందించింది. నిబంధనలకు విరుద్ధంగా గన్ మెన్ తుపాకీతో ఆలయంలోకి ప్రవేశిస్తున్నప్పటికీ.. టీటీడీ భద్రతా సిబ్బంది పట్టించుకోలేదని.. ఈ విషయంలో టీటీడీ భద్రతా సిబ్బంది వైఫల్యమంటూ సోషల్ మీడియాలో వార్తలు వచ్చాయి. ఈ నేపథ్యంలో ఈ వార్తలపై స్పందించిన టీటీడీ.. ఇవన్నీ అవాస్తవాలని తెలిపింది. అసలు ఏం జరిగిందనే దానిపై ప్రకటన విడుదల చేసింది.