అమలాపురంలో పేలుడు కలకలం.. ఇల్లు నేలమట్టం, ఘటనపై రెండు రకాల వాదనలు!

Amalapuram Firecrackers Blast: డాక్టర్ బీఆర్ అంబేద్కర్ కోనసీమ జిల్లా.. అమలాపురం రావులచెరువులోని ఓ ఇంట్లో ఉదయం పేలుడు సంభవించింది. పేలుడు ధాటికి రెండంతస్తుల భవనం ధ్వంసమైంది. ఈ ప్రమాదంలో ఏడుగురికి తీవ్ర గాయాలుకాగా.. వీరిలో ఓ మహిళ పరిస్థితి విషమంగా ఉంది. క్షతగాత్రులను చికిత్స నిమిత్తం ఆసుపత్రికి తరలించారు. ముందు సిలండర్ పేలిందని ప్రచారం జరగ్గా.. బాణాసంచా తయారు చేస్తుండగా ఘటన జరిగిందని అనుమానాలు వ్యక్తమవుతున్నాయి. పోలీసులు కేసు నమోదు చేసి దర్యాప్తు చేస్తున్నారు. పోలీసులు ఘటనాస్థలికి చేరుకుని ప్రొక్లెయిన్ సాయంతో శిథిలాలను తొలగిస్తున్నారు.