అనంతగిరి కొండల్లో ట్రెక్కింగ్ చేస్తుండగా మహిళకు గుండెపోటు.. అక్కడే ఊపిరి వదిలిన వైనం

వారాంతపు సెలవుల్లో ప్రకృతి అందాలను ఆస్వాదించేందుకు బంధువులతో కలిసి వెళ్లిన ఓ పర్యాటకురాలి విహారయాత్రలో ఘోర విషాదం నిండింది. ప్రసిద్ధ పర్యాటక ప్రాంతమైన వికారాబాద్ అనంతగిరి కొండల్లో ఎంతో ఉత్సాహంగా ట్రెక్కింగ్ చేస్తుండగా ప్రియ (47) అనే మహిళ అకస్మాత్తుగా తీవ్రమైన గుండెపోటుకు గురై అక్కడికక్కడే కుప్పకూలిపోయింది. ఊపిరి ఆడక ఇబ్బంది పడుతున్న ఆమెను తోటి పర్యాటకులు, బంధువులు హుటాహుటిన స్థానిక ప్రభుత్వ ఆసుపత్రికి తరలించినప్పటికీ ఫలితం లేకుండా పోయింది.