TG: ఆ జిల్లాలకు మహర్దశ.. ఏకంగా 16 గ్రీన్‌ఫీల్డ్ హైవేలు.. ఎక్కడ నుంచి ఎక్కడి వరకంటే..

తెలంగాణ ప్రభుత్వం ఔటర్ రింగ్ రోడ్డు (ORR) నుండి రీజినల్ రింగ్ రోడ్డు (RRR) మధ్య రవాణాను మెరుగుపరచడానికి 16 గ్రీన్‌ఫీల్డ్ రహదారుల నిర్మాణాన్ని చేపట్టింది. సమగ్ర మొబిలిటీ ప్లాన్‌లో భాగంగా హెచ్‌ఎండీఏ ఈ భారీ ప్రాజెక్టును పర్యవేక్షిస్తోంది. ప్రస్తుతం రావిర్యాల నుంచి ఆమన్‌గల్ (41 కి.మీ), బుద్వేల్ నుంచి కోస్గి (81 కి.మీ) రహదారుల డీపీఆర్ పనులకు ప్రాధాన్యతనిస్తున్నారు. ఈ రహదారులు పారిశ్రామిక ప్రాంతాలను కలుపుతూ.. శివార్లలో 3.5 లక్షల ఇళ్ల నిర్మాణానికి ఊతమిస్తాయి. 2047 లక్ష్యంగా 11 జిల్లాలను అనుసంధానిస్తూ.. ప్రజల రవాణా కష్టాలను తీర్చడమే ఈ ప్రాజెక్ట్ ప్రధాన ఉద్దేశం. ఈ కొత్త రహదారుల వెంట భారీ టౌన్‌షిప్‌లు, లాజిస్టిక్ హబ్‌లు ఏర్పాటు కానున్నాయి.