AP Rains: ఏపీలోని పలు జిల్లాల్లో మళ్లీ భారీ వర్షాలు.. రేపు స్కూళ్లకు సెలవులు

AP Rains: ఆంధ్రప్రదేశ్‌కు మరో భారీ వర్ష ముప్పు పొంచి ఉందని వాతావరణ శాఖ తాజాగా హెచ్చరికలు జారీ చేసింది. అంతేకాకుండా పలు జిల్లాలకు ఆరెంజ్ అలర్ట్ విధించింది. మరికొన్ని జిల్లాలకు ఎల్లో అలర్ట్ జారీ చేసింది. ఈ నేపథ్యంలోనే వివిధ జిల్లాల్లో ఇప్పటికే స్కూళ్లకు శుక్రవారం సెలవు ప్రకటించారు. ఇప్పటికే గత కొన్ని రోజులుగా ఏపీలో కురుస్తున్న భారీ వర్షాలకు జనజీవనం అస్తవ్యస్తంగా మారింది. బంగాళాఖాతంలో ఏర్పడిన అల్పపీడనం ప్రభావంతో భారీ వర్షాలు కురుస్తాయని వాతావరణ శాఖ హెచ్చరించింది.