హైదరాబాద్‌ సౌత్ ఈస్ట్ డీసీపీపై కత్తితో దాడి.. కాల్పులు జరిపిన డీసీపీ..

హైదరాబాద్‌లో సౌత్ ఈస్ట్ డీసీపీ చైతన్యపై దొంగలు కత్తితో దాడి చేయడానికి యత్నించారు. ఈ క్రమంలో తోపులాట జరుగగా.. డీసీపీ గన్‌మెన్ కిందపడిపోయాడు. వెంటనే డీసీపీ చైతన్య గన్‌మెన్ వద్ద ఉన్న వెపన్ తీసుకుని తనను తాను కాపాడుకునే ప్రయత్నం చేశాడు. స్నాచర్‌పై మూడు రౌండ్ల కాల్పులు జరిపి అదుపులోకి తెచ్చారు. ఒక దొంగకు గాయాలు కాగా.. అతడిని వెంటనే నాంపల్లి ఆస్పత్రికి తరలించారు. ఈ ఘటనతో ప్రాంతంలో ఒకింత కలకలం చెలరేగింది.