హైదరాబాద్‌లో దారుణం.. తమ్ముడు చేసిన పనికి అన్నను చంపేశారు!

హైదరాబాద్‌ నగరంలో వరుస హత్యలు కలకలం రేపుతున్నాయి. టోలిచౌకిలో ఇర్ఫాన్ అనే యువకుడు దారుణ హత్యకు గురయ్యాడు. పార్కింగ్ విషయంలో ఇర్ఫాన్ తమ్ముడు కొందరితో గొడవ పడ్డాడు. అనంతరం వారంతా ఇర్ఫాన్ ఇంటికి వచ్చి గొడవ పెట్టుకున్నారు. ఈ క్రమంలో ఇర్ఫాన్‌ను పారామౌంట్ కాలనీ గేటు వద్దకు తీసుకెళ్లి విచక్షణా రహితంగా కత్తులతో పొడిచారు. తీవ్రంగా గాయపడ్డ ఇర్ఫాన్‌ను ఆసుపత్రికి తరలించే లోపే మృతిచెందాడు. ఈ ఘటనపై పోలీసులు విచారణ చేపట్టారు.