హడ్కో నిర్ణయంతో అమరావతికి మహర్దశ.. ఏకంగా రూ.11వేల కోట్లు

HUDCO Rs 11000 Crore Loan For Amaravati: ఆంధ్రప్రదేశ్ రాజధాని అమరావతి నిర్మాణానికి నిధులు ఇచ్చేందుకు ఆర్ధిక సంస్థలు ముందుకు వస్తున్నాయి. ఏపీ సీఆర్డీఏకు రూ.11 వేల కోట్ల రుణం ఇచ్చేందుకు హౌసింగ్, అర్బన్ డెవలప్​మెంట్​ కార్పొరేషన్ (హడ్కో) అంగీకారం తెలియచేసింది. ఢిల్లీ పర్యటనలో ఉన్న మంత్రి పి. నారాయణ హడ్కో సీఎండీతో సమావేశం అయ్యారు.. రాజధాని కోసం ఏపీ ప్రభుత్వం చేపట్టిన కార్యాచరణను వివరించారు. దీనిపై సంతృప్తి వ్యక్తం చేసిన హడ్కో.. రుణం ఇచ్చేందుకు ఓకే చెప్పింది.