విద్యార్థులకు శుభవార్త.. నేరుగా అకౌంట్లోకే డబ్బులు జమ..

తెలంగాణ బీసీ సంక్షేమ శాఖ మంత్రి పొన్నం ప్రభాకర్, విద్యార్థుల ఉన్నతికి హాస్టల్ ప్రిన్సిపాల్స్, వార్డెన్లు ప్రత్యేక శ్రద్ధ తీసుకోవాలని సూచించారు. నూతన విద్యాసంవత్సరం ప్రారంభం నుంచే నాణ్యమైన విద్య, ఆరోగ్యకరమైన ఆహారం, వసతి కల్పించాలని చెప్పారు. ప్రభుత్వం అద్దె బకాయిలు విడుదల చేసిందని, పరిశుభ్రత పాటించాలని ఆదేశించారు. కాస్మోటిక్ ఖర్చులు నేరుగా విద్యార్థుల బ్యాంక్ ఖాతాల్లో జమ అవుతాయి. అకడమిక్ ప్రొఫైల్‌లు రూపొందించి, బలహీన అంశాలపై ప్రత్యేక శ్రద్ధ పెట్టాలన్నారు. ఈ పథకాలు ప్రగతికి దోహదపడతాయని తెలిపారు.