విజయవాడలో ప్రేమించి పెళ్లి చేసుకున్న భార్యను రోడ్డుపై హత్య చేశాడు

వారిద్దరు ప్రేమించి పెళ్లి చేసుకున్నారు.. వారి ప్రేమకు గుర్తుగా కొడుకు కూడా పుట్టాడు. ఏం జరిగిందో ఏమో.. గొడవల వల్ల.. గత కొంతకాలంగా ఇద్దరు వేరువేరుగా ఉంటున్నారు. ఇదే అతడి మనుసులో.. ఆమెపై కక్ష పెంచుకునేలా చేసింది. అనుమానాన్ని పెంచేసింది. దీంతో పట్టపగలే అందరూ చూస్తుండగా.. కత్తితో ఆమెపై దాడి చేశాడు. అడ్డుకోబోయిన జనాలను బెదిరించాడు. ముందుకొస్తే చంపేస్తానని హెచ్చరించాడు. కానీ, ఆమె అప్పటికే మరణించింది. పట్ట పగలు.. విజయవాడ నడిరోడ్డుపై ఈ దారుణ హత్య జరిగింది. దీంతో ఒక్కసారిగా బెజవాడ ఉలిక్కిపడింది.