వాహనదారులకు శుభవార్త.. వాటికి చలాన్లు ఉండవు.. తెలంగాణ రవాణా శాఖ కీలక ప్రకటన..

పాత వాహనాలకు HSRP నంబర్ ప్లేట్ బిగించేందుకు ప్రభుత్వం ఎటువంటి గడువు విధించలేదని తెలిపింది. “సెప్టెంబర్ 30లోపు తప్పనిసరిగా HSRP బిగించకపోతే జరిమానాలు” అనే వార్తలు అసత్యమని ఖండించింది. గడువు గురించి ప్రభుత్వ ఉత్తర్వులు ఇంకా అందలేదని పేర్కొంది. వాహనదారులు ఆందోళన చెందాల్సిన అవసరం లేదని తెలిపింది. అదేవిధంగా HSRP పేరుతో నకిలీ వెబ్‌సైట్లు, అనుమానాస్పద లింక్‌లను నమ్మవద్దని.. ఆర్టీఏ చలాన్ల పేరుతో వచ్చే సందేశాలను ఓపెన్ చేయరాదని హెచ్చరించింది. ఈ విషయం ప్రభుత్వ పరిశీలనలో మాత్రమే ఉందని రవాణా శాఖ స్పష్టతనిచ్చింది.