రాజాసింగ్‌కు షాకిచ్చిన బీజేపీ.. రాజీనామాకు ఆమోదం

గోషామహల్ ఎమ్మెల్యే రాజాసింగ్‌కు బీజేపీ హైకమాండ్ షాక్ ఇచ్చింది. పార్టీ వ్యతిరేక వ్యాఖ్యలు చేస్తున్నందుకు ఆయన రాజీనామాను ఆమోదించింది. తెలంగాణ బీజేపీలో జరుగుతున్న పరిణామాలపై అసంతృప్తితో వారం రోజుల క్రితం రాజాసింగ్ రాజీనామా చేశారు. ఆయన లేఖలోని అంశాలు పార్టీ సిద్ధాంతాలకు విరుద్ధంగా ఉన్నాయని బీజేపీ జాతీయ కార్యదర్శి అరుణ్ సింగ్ తెలిపారు. జేపీ నడ్డా సూచనతో రాజీనామాను ఆమోదించినట్లు ఆయన ప్రకటించారు. రాష్ట్ర బీజేపీ అధ్యక్షుడిగా రామచంద్రరావు ఎన్నికను రాజాసింగ్ వ్యతిరేకించారు.