మారుమూల పల్లెలకు మంచిరోజులు.. శుభవార్త చెప్పిన పవన్ కళ్యాణ్

ఆంధ్రప్రదేశ్ రాష్ట్రంలోని మారుమూల పల్లెలకు డిప్యూటీ సీఎం పవన్ కళ్యాణ్ శుభవార్త వినిపించారు. రాష్ట్రంలోని మరో 158 గ్రామాలకు తొలిసారిగా రహదారి సౌకర్యం కల్పిస్తున్నారు. ఇందుకోసం ప్రధానమంత్రి గ్రామ సడక్ యోజన కింద రూ. 422.10 కోట్ల నిధులు మంజూరు చేశారు. ఈ నిధులతో 347 కిలోమీటర్ల మేరకు.. 146 రోడ్లు, 19 వంతెనల నిర్మాణం చేపట్టనున్నారు. వీటి నిర్మాణంలో అత్యుత్తమ నాణ్యతా ప్రమాణాలు పాటించాలని అధికారులకు పవన్ కళ్యాణ్ స్పష్టం చేశారు.